გასული დღე-ღამის განმავლობაში ოკუპირებულ აფხაზეთში კორონავირუსზე ტესტირება 471 ადამიანს ჩაუტარდა, მათგან 58-ს ვირუსი დაუდასტურდა. გარდაიცვალა ერთი პაციენტი.
ე.წ. ჯანდაცვის სამინისტროს ინფორმაციით, ექვს კოვიდცენტრში 263 კოვიდინფიცირებული პაციენტი მკურნალობს, მათგან 31-ის მდგომარეობა მძიმეა.
პანდემიის დაწყებიდან დღემდე, ოკუპირებულ აფხაზეთში კორონავირუსით ინფიცირების 11 216 შემთხვევაა გამოვლენილი, მათგან 8 992 პაციენტი გამოჯანმრთელდა, 160 გარდაიცვალა.