გასული დღე-ღამის განმავლობაში ოკუპირებულ აფხაზეთში კორონავირუსზე ტესტირება 544 ადამიანს ჩაუტარდა, მათგან 176 ადამიანს კორონავირუსი დაუდასტურდა.
ე.წ. ჯანდაცვის სამინისტროს ინფორმაციით, ექვს კოვიდცენტრში 264 კოვიდინფიცირებული პაციენტი მკურნალობს, მათგან 26-ის მდგომარეობა მძიმეა.
პანდემიის დაწყებიდან დღემდე, ოკუპირებულ აფხაზეთში კორონავირუსით ინფიცირების 10 784 შემთხვევაა გამოვლენილი, მათგან 8 513 პაციენტი გამოჯანმრთელდა, 152 გარდაიცვალა.