ოზურგეთში, სოფელ წითელმთაში ხანძარია. ცეცხლი საცხოვრებელ სახლს გაუჩნდა.
ხანძრის შედეგად შენობის ორივე სართული დაიწვა.
როგორც საგანგებო სიტუაციების მართვის სამსახურში report.ge-ს განუცხადეს, ხანძარი ლოკალიზებულია და მისი გავრცელების საფრთხე აღარ არსებობს.
ადგილზე მეხანძრე-მაშველების სამი ეკიპაჟია მობილიზებული და მიმდინარეობს ხანძრის ქრობის სამუშაოები.
მათივე ცნობით, შემთხვევის შედეგად არავინ დაშავებულა.
ხანძრის გამომწვევ მიზეზს გამოძიება დაადგენს.