კახეთში ავტოსაგზაო შემთხვევას მსხვერპლი მოჰყვა.
თელავი-ყვარელის გზაზე მსუბუქი ავტომობილი გზის სავალი ნაწილიდან გადავიდა და ხეს შეეჯახა.
ავარიისას 23 წლის ბიჭი დაიღუპა, არიან დაშავებულებიც.
მომხდართან დაკავშირებით სხვა დეტალები ამ ეტაპზე უცნობია.
report.ge-ს შინაგან საქმეთა სამინისტროში განუცხადეს, რომ მომხდართან დაკავშირებით ადგილზე ინტენსიური საგამოძიებო მოქმედებები მიმდინარეობს.
შემთხვევის ადგილზე მობილიზებულია სასწრაფო დახმარების ჯგუფები და პოლიციის ეკიპაჟები.