რიკოთის მაგისტრალის მშენებლობაზე სამშენებლო ობიექტი ჩამოინგრა. ინფორმაციას ამის შესახებ „რკინიგზელთა ახალი პროფკავშირები" ავრცელებს. დაშავებულია სამი ადამიანი. სამივე მათგანი აღნიშნულ ობიექტზე მუშაობდა.
ამ დროისათვის საავადმყოფოში ერთი ადამიანი რჩება ხოლო ორის მდგომარეობა მსუბუქი იყო და მალევე გაწერეს.
როგორც report.ge -ს შინაგან საქმეთა სამინისტროში განუცხადეს, ფაქტზე გამოძიება 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
ადგილზე სამშენებლო სამუშაოებს ჩინური კომპანია აწარმოებს.