საქართველოს მესამე პრეზიდენტის, მიხეილ სააკაშვილის მამის ჯანმრთელობის მდგომარეობა დამაკმაყოფილებელია. ამის შესახებ მესამე პრეზიდენტის ძმამ, გიორგი სააკაშვილმა განაცხადა.
მისი თქმით, ნიკოლოზ სააკაშვილი კლინიკაში გეგმიური შემოწმების მიზნით გადაიყვანეს.
მესამე პრეზიდენტის მამა სამედიცინო დაწესებულებას ხვალ დატოვებს.
"ახლა თავს გრძნობს ძალიან კარგად. გუშინ ჰქონდა მოციმციმე არითმიის ნიშნები და გადავწყვიტეთ ოჯახმა, რომ გეგმიური შემოწმების მიზნით გადაგვეყვანა ერთი დღით კლინიკაში. დღესაც ვიყავი მისული, ვეკონტაქტე, ყველაფერი ნორმაშია და ხვალ გამოეწერება კლინიკიდან. ბუნებრივიც არის, სანერვიულო არ აკლია და გულზე ჰქონდა მოციმციმე არითმია", - ამბობს გიორგი სააკაშვილი.