შინაგან საქმეთა სამინისტროს საგანგობო სიტუაციების მართვის სამსახურის ინფორმაციით, ახალციხის ტყეში ხანძარი ლოკალიზებულია, გავრცელების საფრთხე მოხსნილია. სალიკვიდაციო სამუშაოები დილიდან განახლდება.
როგორც Report.ge-ს უწყებაში განუცხადეს, ადგილზე მონიტორინგის მიზნით რჩება 70-მდე მეხანძრე-მაშველი, რომლებიც სალიკვიდაციო სამუშაოებს გათენებისთანავე გაგრძელებენ,
შეგახსენებთ, დღის მეორე ნახევარში ახალციხის მუნიციპალიტეტში, სოფელ აწყურთან ახლოს, ბორჯომ-ხარაგაულის ტყე-პარკის ტერიტორიაზე ხანძარი გაჩნდა. ცეცხლი ამარათის მთის ფერდობს მოედო.