პირველი თებერვლიდან, საქართველოს ქალაქებში, ბათუმში, ზუგდიდში, გორში, ფოთსა და თელავში აღდგება მუნიციპალური ტრანსპორტის, სკოლების, მაღაზიებისა და სავაჭრო ობიექტების მუშაობა, - ამის შესახებ საკოორდინაციო საბჭოს სხდომის დასრულების შემდეგ ვიცე-პრემიერმა მაია ცქიტიშვილმა განაცხადა.
ცქიტიშვილის თქმით, თბილისში ქუთაისსა და რუსთავში, მუნიციპალური ტრანსპორტი და სკოლები პირველი მარტიდან ამუშავდება.
"სკოლების და შესაბამისად მუნიციპალური ტრანსპორტის მუშაობის აღდგენა დაგეგმილია პირველი მარტიდან. ყველა ქალაქში ღია და დახურული ბაზრობები გაიხსნება 15 თებერვლიდან", - განაცხადა ცქიტიშვილმა.