გავრცელებული ინფორმაციით, 16 წლის გოგონა, რომელიც რუსთავში ავარიას ემსხვერპლა, ძაღლს ასეირნებდა.
ადგილზე მობილიზებული იყო საპატრულო პოლიციისა და სასწრაფო დახმარების ეკიპაჟები.
გოგონასთან ერთად გარდაიცვალა მისი ძაღლიც, რომელსაც მოზარდი ასეირნებდა.
თვითმხილველთა თქმით, მძღოლი ადგილიდან მიიმალა.
შემთხვევის ადგილის ამსახველ კადრებს "ინფორუსთავი" ავრცელებს
როგორც Report.ge-ს მომხდართან დაკავშირებით, შსს-ში განუცხადეს, ფაქტზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ითვალისწინებს, ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.