საქართველომ დღეს, 6 მაისს "ასტრაზენეკას" ვაქცინის 43 000 დოზა მიიღო. ვაქცინა იმ პირებისთვისაა განკუთვნილი, ვისაც პირველი დოზა უკვე გაკეთებული აქვს.
"ასტრაზენეკას" ვაქცინის მეორე დოზისთვის რეგისტრაცია გუშინ, საღამოს 8 საათიდან დაიწყო. მოქალაქეებს შეუძლიათ, მეორე დოზის გასაკეთებლად ნებისმიერ დაწესებულებაში დარეგისტრირდნენ, პირველი აცრიდან 4-12 კვირის ინტერვალში.
რეგისტრაციის გავლა შეგიძლიათ საიტზე - booking.moh.gov.ge.