საქართველოს საელჩო ისრაელში თანამოქალაქეებისთვის განცხადებას ავრცელებს
დიპლომატიური უწყების თქმით, საზღვარგარეთ მყოფი საქართველოს მოქალაქეებისთვის 7 ივნისამდე პირადობის ელექტრონული მოწმობას და ან ბიომეტრიულ პასპორტს ერთჯერადად უფასოდ მიიღებენ.
„პირადობის ელექტრონულ მოწმობას უფასოდ მიიღებს საქართველოს მოქალაქე, რომელიც აკმაყოფილებს შემდეგ, ერთ-ერთ პირობას:
არასდროს ჰქონია საქართველოს მოქალაქის პირადობის მოწმობა; ფლობს პირადობის არაელექტრონულ მოწმობას (თუნდაც მოქმედს);
მის სახელზე გაცემული პირადობის ელექტრონულ მოწმობა გაუქმებულია ან მოქმედების ვადა 2021 წლის 7 ივნისამდე გასდის.
ბიომეტრიულ პასპორტს, ნახევარ ფასად (65 დოლარად) მიიღებს საქართველოს მოქალაქე, რომელიც აკმაყოფილებს შემდეგ, ერთ-ერთ პირობას:
არასდროს ჰქონია საქართველოს მოქალაქის ბიომეტრიული პასპორტი;
ფლობს არაბიომეტრიულ პასპორტს (თუნდაც მოქმედს); მის სახელზე გაცემული ბიომეტრიული პასპორტი გაუქმებულია ან მოქმედების ვადა 2021 წლის 7 ივნისამდე გასდის.
პირებს, რომლებსაც ეკუთვნის აქციით სარგებლობა, პროგრამა ავტომატურად განუსაზღვრავს შესაბამის შეღავათს. ამასთან, (ბიომეტრიულ პასპორტზე) თუ პირს ეკუთვნის აქციით დადგენილზე მეტი შეღავათი (მაგალითად – უფასოდ), ასეთ შემთხვევაში, პროგრამის მიერ განსაზღვრული შეღავათი უნდა შეცვალოთ შესაბამისი შეღავათით“, – ნათქვამია ისრაელში საქართველოს საელჩოს ინფორმაციაში.