ხვალიდან, 25 აგვისტოდან კვების ობიექტების მუშაობა 23:00 საათის ნაცვლად დასრულდება 22:00 საათზე. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა გიორგი ღიბრაძემ, მთავრობის ადმინისტრაციაში გამართულ ბრიფინგზე განაცხადა.
მისივე თქმით, პარალელურად გაგრძელდება კვების ობიექტების დადგენელი რეგულაციების აღსრულების მკაცრი კონტროლი.
ამასთან, საბჭოს გადაწყვეტილებით, ფეხბურთში მსოფლიო ჩემპიონატის საკვალიფიკაციო ეტაპის ფარგლებში 2 სექტემბერს ბათუმში დაგეგმილი საქართველო-კოსოვოს მატჩი მაყურებლის გარეშე გაიმართება.
ღიბრაძის განმარტებით, იგივე მოხდება ყველა სხვა დაშვებულ სპორტულ ღონისძიებაზე.