საქართველოში კორონავირუსის გავრცელების პრევენციის მიზნით დაწესებული შეზღუდვების ნაწილი დღეიდან, 8 მარტიდან მოიხსნა.
დღეს სამთო კურორტებზე გაიხსნება საბაგიროები;
საქართველოს მთელ ტერიტორიაზე, რესტორნები სტუმრების მიღებას შეძლებენ დახურულ სივრცეებშიც (შაბათ-კვირის გარდა);
არასასურსათო საცალო ვაჭრობა განახლდება ყოველდღიურ რეჟიმში, შაბათ-კვირის ჩათვლით. იმუშავებს როგორც მოლები, ასევე ბაზრობები.
ძალაში რჩება 21:00 საათიდან 05:00 საათამდე დაწესებული გადაადგილების შეზღუდვა.