საქართველოს საპატრიარქოში ეპიდემიოლოგები კვლევას ატარებენ. მას შემდეგ, რაც პატრიარქის მდივან-რეფერანტს შორენა თეთრუაშვილს კორონავირუსი დაუდასტურდა, სპეციალისტებმა საპატრიარქოს თანამშრომლების PCR ტესტირებით კვლევა დაიწყეს.
საპატრიარქო აღნიშნავს, რომ ტესტირება თანამშრომლებსა და სასულიერო პირებს პერმანენტულად უტარდებათ.
"რაც შეეხება სრულიად საქართველოს კათოლიკოს-პატრიარქის ჯანმრთელობის მდგომარეობას, ამ ეტაპისთვის მისთვის ტესტის ჩატარება არ იგეგმება. მისი უწმინდესობა თავს კარგად გრძნობს", - აცხადებენ საპატრიარქოში.