თბილისში, კახეთის გზატკეცილზე მომხდარ ავარიას მსხვერპლი მოჰყვა. ერთმანეთს სამგზავრო მიკროავტობუსი და სატვირთო შეეჯახა, რის გამოც 1 ადამიანი გარდაიცვალა და 12 კი დაშავდა.
როგორც report.ge-ს თბილისის სასწრაფო სამედიცინო დახმარების სამსახურში განუცხადეს, დაშავებულთა შორის 1 არასრულწლოვანიცაა.
მათივე ცნობით, დაშავებულები სხვადასხვა დაზიანებებით კლინიკებში გადაიყვანეს.
შინაგან საქმეთა სამინისტროს ინფორმაციით, მომხდართან დაკავშირებით, გამოძიება სსკ-ს 276-ე მუხლის მე-6 ნაწილით დაიწყო.