ალერგოლოგ-იმუნოლოგმა ბიძინა კულუმბეგოვის თქმით, თამბაქოს მოხმარება, კორონავირუსით ინფიცირების რისკ-ფაქტორს წარმოადგენს.
,,პანდემიის გავრცელებიდან 10 თვის თავზე, მსოფლიო შეთანხმდა, რომ სიგარეტის მოწევა რისკ-ფაქტორია. ის თავისთავად ირიბად განაპირობებს სხვადასხვა დაავადების განვითარებას. სიგარეტის მოწევა, რა თქმა უნდა, რისკია და ამიტომ, ყველას მინდა ვთხოვო, რომ თუნდაც ეს შანსი - პანდემია გამოვიყენოთ და თამბაქოს გამოყენება შევწყვიტოთ,"- განაცხადა ბიძინა კულუმბეგოვმა ,,რუსთავი 2-ის" ეთერში.
ცნობისთვის, გასული დღე-ღამის განმავლობაში საქართველოში კორონავირუსის 1,759 ახალი შემთხვევა გამოვლინდა.
გამოჯანმრთელდა 350 პაციენტი და გარდაიცვალა 5.