მოძრაობამ "სირცხვილია" ლექსო ლაშქარავას ხსოვნას პატივი მიაგო. მათ პარლამენტის მიმდებარე ტერიტორიაზე ძალადობრივი აქციის მოვლენების შემდეგ დაღუპული ოპერატორის ფოტოები გამოფინეს და სანთლები დაანთეს.
"დღეს ლექსო ლაშქარავა 38 წლის გახდებოდა. ლექსოს მკვლელობიდან 4 თვის შემდეგ, ორგანიზებული ძალადობის ხელმძღვანელები კვლავ დაუსჯელები არიან. 5 ივლისის ძალადობრივ მოვლენებზე პოლიტიკური პასუხისმგებლობა არავის აუღია", - ამბობენ "სირცხვილიაში".