ბათუმში ჩატარებული სპეცოპერაციის დროს უცხო ქვეყნის ორი მოქალაქე დააკავეს. პოლიციამ 40 კილოგრამი ნარკოტიკული საშუალება ამოიღო. აკრძალული ნივთიერებების საერთო ღირებულება შავ ბაზარზე რამდენიმე მილიონ ლარს შეადგენს.
დაკავებული პირები ბულგარეთის მოქალაქეები არიან. შსს-ში აცხადებენ, რომ სპეცოპერაციას საერთაშორისო მნიშვნელობა აქვს.
აშშ-ს იუსტიციის დეპარტამენტის ნარკოტიკებთან ბრძოლის ადმინისტრაციის თბილისის ოფისის ატაშეს მოადგილე მაიკ სუტროვი აცხადებს, რომ დაკავება ქართულ-ამერიკული მხარის კოორდინებული მუშაობის დამსახურებაა.