მაშველებმა თბილისის ზღვაზე არასრულწლოვანი გადაარჩინეს. ამის შესახებ ინფორმაცია საგანგებო სიტუაციების მართვის ცენტრმა გაავრცელა. მათი თქმით, 112-ში შევიდა შეტყობინება, რომ თბილისის ზღვაზე წყალში არასრულწლოვანი იმყოფებოდა და ნაპირზე ამოსვლას ვერ ახერხებდა.
წყალზე სამაშველო ჯგუფმა სპეციალური მცურავი საშუალებებით არასწრულოვანთან მისვლა დროულად შეძლეს და ნაპირიდან 20-25 მეტრის მოშორებით მყოფი მოზარდი უსაფრთხო ადგილზე უვნებლად გამოიყვანეს. მის სიცოცხლეს და ჯანმრთელობას საფრთხე აღარ ემუქრება.