თბილისში, ელიავას ბაზრობის ტერიტორიაზე ხანძარია.
აგლაძისა და გუდაუთის ქუჩის კვეთაზე ცეცხლი სამშენებლო მასალების მაღაზიას უკიდია.
როგორც საგანგებო სიტუაციების მართვის სამსახურში report.ge-ს განუცხადეს, დაშავებულების შესახებ ინფორმაცია არ ვრცელდება.
ადგილზე მეხანძრე-მაშველების 14 ეკიპაჟია მობილიზებული და მიმდინარეობს ხანძრის ქრობის სამუშაოები.
ჯერჯერობით უცნობია, რა გახდა ხანძრის გამომწვევი მიზეზი.