თბილისში, ცინცაძის ქუჩის 3 ნომერში, ბარაკული ტიპის საცხოვრებელ სახლს ცეცხლი გაუჩნდა.
როგორც საგანგებო სიტუაციების მართვის სამსახურში report.ge-ს განუცხადეს, ხანძარი ამ დროისთვის ლოკალიზებულია და მისი გავრცელების საშიშროება აღარ არსებობს.
ადგილზე ოთხი სახანძრო-სამაშველო ეკიპაჟია მობილიზებული და მიმდინარეობს ცეცხლის სალიკვიდაციო სამუშაოები.
მათივე ცნობით, შემთხვევის შედეგად არავინ დაშავებულა.
ამ ეტაპისთვის უცნობია რამ გამოიწვია ხანძარი. ცეცხლის გაჩენის მიზეზს გამოძიება დაადგენს.