წალენჯიხის მუნიციპალიტეტის სოფელ ფოცხოეწერში, ყოფილი სასტუმროს შენობაში აფეთქება მოხდა.
წინასწარი ინფორმაციით, აფეთქება გაზის დანადგარმა გამოიწვია.
როგორც საგანგებო სიტუაციების მართვის სამსახურში report.ge-ს განუცხადეს, აფეთქების შედეგად, შენობაში 30 კვ.მ-ზე ხანძარი გაჩნდა და ნაგებობის შუშები ჩაიმსხვრა.
ცეცხლი ამ დროისთვის ლიკვიდირებულია.
წალენჯიხის მერის ბესო ფარცვანიას ინფორმაციით, შენობაში დროებით ენგურჰესის სარეაბილიტაციო სამუშაოებზე დასაქმებულები ცხოვრობენ.
აფეთქების შედეგად არავინ დაშავებულა.