ოკუპირებული ცხინვალის ე.წ. სასამართლომ ზაზა გახელაძეს, რომელიც ე.წ. საზღვრის გადაკვეთის ბრალდებით უკანონო პატიმრობაში იმყოფება, 12 წლითა და 6 თვით პატიმრობა მიუსაჯა.
საოკუპაციო რეჟიმის ე.წ სასამართლო მას ე.წ. სამართალდამცველის სიცოცხლის ხელყოფის მცდელობასაც ედავებოდა.
ცნობისთვის, საოკუპაციო რეჟიმის მტკიცებით, გახელაძე არ დაემორჩილა სამხედროების მოწოდებას, მინიმუმ 5-ჯერ მაინც ესროლა ერთ-ერთ მათგანს და საპასუხო ცეცხლის გახსნის შემდეგ დაიჭრა. მას ე.წ. სამხრეთ ოსეთის ე.წ. სამართალდამცველებმა ბრალი რუსეთის სისხლის სამართლის კოდექსით წაუყენეს.