დღეს კლინიკას კორონავირუსისგან გამოჯანმრთელებული მეცხრე პაციენტიც დატოვებს, - ამის შესახებ ჟურნალისტებს, თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განუცხადა.
მისივე თქმით, ინფექციურში საავადმყოფოში კორონავირუსით, ამ დროისათვის, 32 პაციენტია მოთავსებული.
ბოლო მონაცემებით, საქართველოში ახალი კორონავირუსით ინფიცირების 66 შემთხვევაა დადასტურებული. აქედან 9 უკვე გამოჯანმრთელებულია და 8 კლინიკიდან გაწერილია.
კარანტინის რეჟიმში 3 320 პირი იმყოფება, ხოლო სტაციონარში, მეთვალყურეობის ქვეშ - 235.