ზუგდიდის მუნიციპალიტეტის სოფელ დავითიანში ძლიერი ხანძარია. ცეცხლი სასოფლო-სამეურნეო დანიშნულების ტერიტორიას გაუჩნდა, სადაც თხილნარი და მოცვის პლანტაციებია გაშენებული.
გავრცელებული ინფორმაციით, ცეცხლი ჯერ ეკალბარდებს გაუჩნდა, თუმცა ძლიერი ქარის გამო ხანძარი სხვადასხვა ტერიტორიაზე გავრცელდა.
ჯერჯერობით უცნობია ხანძრის გამომწვევი მიზეზი. ადგილზე მობილიზებულია სასწრაფო სამედიცინო დახმარების ჯგუფი.
report.ge დეტალებს საგანგებო სიტუაციების მართვის სამსახურში აზუსტებს.