ზუგდიდის მუნიციპალიტეტის სოფელ ერგეტაში, საცხოვრებელ სახლში გაჩენილ ხანძარს ერთი ადამიანი ემსხვერპლა. დაღუპული 60 წლამდე ასაკის მამაკაცია.
როგორც report.ge-ს საგანგებო სიტუაციების მართვის სამსახურში განუცხადეს, უწყებაში ხანძრის შესახებ შეტყობინება გამთენიისას შევიდა.
ადგილზე მისულ მეხანძრეებს მამაკაცი უკვე გარდაცვლილი დახვდათ.
ხანძრის სალიკვიდაციო სამუშაოებში სახანძრო-სამაშველო სამსახურის ორი ჯგუფი იყო ჩართული.
ხანძრის გამომწვევი მიზეზი ამ დროისთვის უცნობია.