ბორჯომსა და ბაკურიანს 2025 წლის ზამთრის ახალგაზრდული ოლიმპიური ფესტივალის მასპინძლობის კანდიდატი ქალაქის სტატუსი მიენიჭა.
ამის შესახებ ევროპის ოლიმპიური კომიტეტების პრეზიდენტისა და გენერალური მდივნის მიერ საქართველოს ეროვნულ ოლიმპიურ კომიტეტში სეოკ-ის პრეზიდენტის, ლერი ხაბელოვის სახელზე გამოგზავნილი ოფიციალურ წერილშია ნათქვამი.
2020 წლის თებერვალში ბორჯომსა და ბაკურიანს ოფიციალური ვიზიტით ესტუმრებიან ფესტივალი-2025-ის შემფასებელი კომისიის წევრები.
სეოკ-მა ფესტივალის მასპინძლობასთან დაკავშირებული ყველა აუცილებელი ინფორმაცია EOC -ს უნდა წარუდგინოს 2020 წლის 31 ივლისამდე.