გულშემატკივრებმა სლოვაკურ გუნდებს შორის ფეხბურთის მატჩი ჩაშალეს - VIDEO

გულშემატკივრებმა ტრნავის „სპარტაკისა“ და ბრატისლავის „სლოვანის“ შეხვედრა ჩაშალეს. დაპირისპირება ტრიბუნებზე დაიწყო, თუმცა შემდეგ მოედანზე გადაინაცვლა.

თამაში სულ 15 წუთს გაგრძელდა.

საბოლოოდ ფანები პოლიციამ დააშოშმინა და სტადიონიდან გაიყვანა, თუმცა მთავარმა არბიტრმა გამოაცხადა, რომ მატჩი აღარ ჩატარდება.

ცნობისთვის, "სლოვანში" საქართველოს ნაკრების კაპიტანი და ვიცე კაპიტანი, ჯაბა კანკავა და გურამ კაშია თამაშობენ. გუნდის მწვრთნელი ჩვენი ნაკრების ყოფილი მწვრთნელი ვლადიმირ ვაისია.