საქართველოს პირველმა ჩოგანმა, ნიკოლოზ ბასილაშვილმა მსოფლიოს ყველა დროის ერთ-ერთი საუკეთესო მოთამაშე, როჯერ ფედერერი დაამარცხა.
დოჰას ტურნირის მეოთხედფინალში ქართველმა ჩოგბურთელმა შვეიცარიელს სამ სეტში 3:6, 6:1, 7:5 მოუგო.
ბასილაშვილის შემდეგი მეტოქე ამერიკელი ჩოგბურთელი, ტეილორ ფრიცი იქნება, რომელიც მსოფლიო რეიტინგში 33-ე პოზიციას იკავებს.
ნიკოლოზ ბასილაშვილი როჯერ ფედერერს კარიერაში მეორედ დაუპირისპირდა, პირველ შეხვედრაში ლეგენდარულმა შვეიცარიელმა ავსტრალიის ღია პირველობაზე, მარტივად, სამ სეტში გაიმარჯვა.
ქართველი ჩოგბურთელი მსოფლიო რეიტინგში ამ მომენტისთვის, 42-ე პოზიციას იკავებს.