საქართველოს ოლიმპიურ კომიტეტში პირველი ქართველი ოლიმპიური ჩემპიონის დავით ციმაკურიძის შესახებ გამოცემული წიგნის პრეზენტაცია გაიმართა.
დავით „ამური“ ციმაკურიძემ 1952 წლის ჰელსინკის ოლიმპიურ თამაშებზე ოქროს მედალი მოიპოვა და გახდა პირველი ქართველი, ვინც მსოფლიოს ყველაზე მასშტაბურ სპორტულ ფორუმზე უმაღლესი მწვერვალი დაიპყრო.
წიგნი ოლიმპიური ჩემპიონის შვილიშვილის, დავით ციმაკურიძის ინიციატივითა და საქართველოს ოლიმპიური კომიტეტის ფინანსური მხარდაჭერით გამოიცა. ავტორი კი ცნობილი სპორტის მოღვაწე ზურაბ ჯავახაძეა, რომელიც რამდენიმე თვის წინ გარდაიცვალა. დღეს პრეზენტაციას დავით ციმაკურიძის ოჯახის წევრებიც ესწრებოდნენ.