"ბასკონიას" და საქართველოს ნაკრების ლიდერი თორნიკე შენგელია ესპანეთში კიდევ ერთხელ დააფასეს. 28 წლის ქართველ კალათბურთელს ესპანური ლიგის თებერვლის უძვირფასესი მოთამაშისთვის კუთვნილი ჯილდო გადასცეს. შენგელიამ აღნიშნული ჯილდო, ესპანეთში ზედიზედ მეორედ მიიღო. შეგახსენებთ, რომ ქართველი წინა თვის საუკეთესო კალათბურთელად ჯერ კიდევ თებერვლის შუა რიცხვებში აღიარეს. ამის მიზეზი ის გახდა რომ, ესპანეთის სათასო მატჩებისა და სანაკრებო ფანჯრის გამო, ჩემპიონატის შეხვედრები არ ჩატარებულა.