ჩრდილოეთ მაკედონიაში მიმდინარე მატჩში, საქართველოს ხელბურთელთა ნაკრები მასპინძლებთან 25:21 დამარცხდა.
საქართველოს დელეგაციის ხელმძღვანელის, ვახტანგ მეიფარიანის თქმით, ჩრდილოეთ მაკედონიის ნაკრები ძლიერი გუნდია, რომელსაც ბოლო 8 წლის განმავლობაში მსოფლიოსა და ევროპის ჩემპიონატები არ გამოუტოვებია.
„ამ დონის გუნდთან საქართველოს ნაკრებს არასოდეს უთამაშია. კარგი შედეგი აჩვენა ჩვენმა კაპიტანმა და მეკარე შოთა თევზაძემ, რომელმაც 2 შვიდმეტრიანი მოიგერია და რამდენიმეჯერ ერთი-ერთზე გავიდა“ - განაცხადა მან.
საქართველოსა და ჩრდილოეთ მაკედონიის ნაკრებებს შორის მეორე მატჩი ხვალ გაიმართება. შეხვედრა ქალაქ სკოპიეში ბორის ტრაიკოვსკის სახელობის არენაზე შედგება.