სინგაპურში 2022 წლის იანვრიდან სამსახურში მისვლის უფლებას მხოლოდ სრულად ვაქცინირებულ ან ბოლო 270 დღის განმავლობაში გამოჯანმრთელებულ ადამიანებს ექნებათ.
არავაქცინირებულ პირებს სამსახურიდან არავინ გააგდებს, თუმცა მათ კორონავირუსზე ჩატარებული ტესტის უარყოფითი შედეგის წარდგენა ყოველდღიურად მოუწევთ.
სავალდებულო ტესტირების მოთხოვნა გავრცელდება იმ ადამიანებზეც, რომლებსაც ჯანმრთელობის მიზეზების გამო არ აქვთ ვაქცინაციის უფლება, ასევე ორსულებზეც.