კორონავირუსით დაღუპულთა რიცხვი 213-მდე გაიზარდა

ბოლო მონაცემებით, ჩინეთში კორონავირუსს 213 ადამიანი ემსხვერპლა. დაავადებულთა რიცხვი კი 9701-მდე გაიზარდა.

ვირუსით ინფიცირების შემთხვევები გამოვლენილია მსოფლიოს 18 ქვეყანაში.

30 იანვარს, ჯანდაცვის მსოფლიო ორგანიზაციამ კორონავირუსის ეპიდემია გლობალურ საფრთხედ გამოაცხადა.

როგორც ჯანდაცვის მსოფლიო ორგანიზაციის საგანგებო შეხვედრის შემდეგ კომიტეტის წევრებმა განაცხადეს, დადასტურებულია, რომ ვირუსი ადამიანიდან ადამიანზე გადადის. 

ჩინეთმა მომაკვდინებელ ვირუსთან საბრძოლველად 3,96 მილიარდი დოლარი გამოყო.