Android-ის სმარტფონებზე Google-ს შეფერხება აქვს

Android-ის ოპერაციული სისტემის მქონე სმარტფონებზე Google-ის აპლიკაციაში ხარვეზები დაფიქსირდა. პრობლემები საქართველოს მომხმარებლებსაც შეექმნა.

ბევრი მომხმარებელი აცხადებს, რომ აპლიკაციის გამოყენების მცდელობისას ისინი შეტყობინებას ხედავენ, რომ სერვისი არ მუშაობს, და შესაბამისად Google-ით სარგებლობას ვერ ახერხებენ.

სპეციალისტების თქმით, ხარვეზი, სავარაუდოდ, ბოლო განახლებას უკავშირდება.

კომპანია Google-ს ოფიციალური განცხადება ჯერ არ გაუვრცელებია.