კოვიდინფიცირებულთან კონტაქტის გამო, ამერიკის შეერთებული შტატების სახელმწიფო მდივანი მაიკ პომპეო კარანტინში გადავიდა.
აშშ-ის სახელმწიფო დეპარტამენტის განცხადებით, პომპეოს ტესტირების შედეგად კორონავირუსი არ დაუდასტურდა.
მათივე ინფორმაციით, პროტოკოლის შესაბამისად, პომპეო კარანტინში, ექიმების მეთვალყურეობის ქვეშ იქნება.
უცნობია, რა შეხება ჰქონდა სახელმწიფო მდივანს კოვიდინფიცირებულთან. ინფორმაცია კონფიდენციალურია.