ამერიკის შეერთებული შტატები ჩინეთთან სავალუტო ხელშეკრულების გაფორმების შესაძლებლობას განიხილავს. ინფორმაციას ამის შესახებ „ბლუმბერგი“ ავრცელებს.
სააგენტოს ცნობით, შეთანხმების პირობები უკვე გარკვეულია. მხარეებმა ისინი წლის დასაწყისში შეათანხმეს, თუმცა შემდეგ მოლაპარაკებები ჩაიშალა.
აშშ-ს პრეზიდენტის ადმინისტრაციაში აცხადებენ, რომ სავალუტო ხელშეკრულების გაფორმება დიალოგის განახლებას შეუწყობს ხელს და ქვეყნები ინტელექტუალური საკუთრების დაცვის მიმართულებით მსჯელობას გააგრძელებენ.