აშშ-ის სპეციალურმა წარმომადგენელმაა ჩრდილოეთ კორეის საკითხში, ფხენიანს სარაკეტო ცდების შეწყვეტისაკენ მოუწოდა.
Associated Pres-ის ცნობით, ის ჩრდილოეთ კორეის ხელისუფლებას პროვოკაციულ ნაბიჯებზე უარის თქმას და დიალოგის დაწყებას ურჩევს.
ამის შესახებ სუნგ კიმმა ოფიციალურ პირებთან გამართული შეხვედრის შემდეგ განაცხადა.
ცნობისთვის, ჩრდილოეთ კორეა ბოლო თვეების განმავლობაში ბალისტიკური რაკეტების გამოცდას აქტიურად ატარებს, რაც ბევრი ქვეყნის შეშფოთებას იწვევს.