შეერთებულმა შტატებმა სირიაში პროირანული დაჯგუფებების წინააღმდეგ ავიაიერიშით ირანსა და სხვა ქვეყნებს ნათლად მიანიშნა, რომ ამერიკის ინტერესების წინააღმდეგ მიმართული ქმედებები დაუსჯელი არ დარჩება. ამის შესახებ აშშ-ის სახელმწიფო მდივანმა ენტონი ბლინკენმა განაცხადა.
”რაც შეეხება სირიაში განხორციელებულ ავიაიერიშს, ბოლო 10 დღის განმავლობაში ამერიკელ სამხედროებზე რამდენიმე თავდასხმა განხორციელდა, რასაც მსხვერპლიც მოყვა. ვალდებულები ვიყავით, ამ მკაფიო თავდასხმებზე პასუხი გაგვეცა”, - აღნიშნულია აშშ-ის სახელმწიფო დეპარტამენტის ოფიციალურ ვებ-გვერდზე გამოქვეყნებულ განცხადებაში.
”ჩვენ ნათლად მივანიშნეთ ირანს, რომ ჩვენი ხალხის, ჩვენი პარტნიორების, ჩვენი ინტერესების წინააღმდეგ დაუსჯელად ვერ იმოქმედებენ. და მე ვფიქრობ და იმედი მაქვს, რომ ამ მესიჯს გაითვალისწინებენ”, - განაცხადა ბლინკენმა.