აშშ-ში, ილინოისის შტატის ქალაქ როკფორდში მდებარე ერთ-ერთ ბოულინგ კლუბში სროლის შედეგად სამი ადამიანი დაიღუპა, ხოლო კიდევ სამი დაშავდა. ამის შესახებ CNN წერს.
გამოცემის ცნობით, ინციდენტი ადგილობრივი დროით 18:55 საათზე მოხდა. ადგილობრივი პოლიციის უფროსმა განაცხადა, რომ სამი ადამიანი მძიმე დაზიანებებით საავადმყოფოში გადაიყვანეს.
გავრცელებეული ინფორმაციით, სავარაუდო მსროლელი დააკავეს. პოლიციის ცნობით, მან პოლიციის მისვლამდე შემთხვევის ადგილის დატოვება ვერ მოასწრო.