ნიუ-ჯერსის პოლიციაში აცხადებენ, რომ ძაღლი მათ ქვეითის სახლის პოვნაში დაეხმარა, რომელიც მანამდე ავტომობილმა გაიტანა.
სამართალდამცავების ცნობით, 64 წლის მამაკაცს, რომელსაც ავტოსაგზაო შემთხვევის შემდეგ საავადმყოფოში გადაიყვანეს, მაიდენტიფიცირებელი დოკუმენტები არ ჰქონდა. მას დაზიანებები თავის და ფეხების არეში ჰქონდა.
მამაკაცთან ერთად იმ მომენტში მისი ფრანგული ბულდოგი, მისტერ ვრინკლსი ახლდა თან.
ძაღლმა უკანა გზა უპრობლემოდ იპოვა და პოლიციელები 5 კვარტალში მდებარე სახლში მიიყვანა, სადაც დაშავებულის ოჯახი ცხოვრობდა.