აშშ-ში, კალიფორნიის შტატში, ხანძრის გამო დაახლოებით 120,000 ადამიანის ევაკუაცია გახდა საჭირო. ამის შესახებ შტატის გუბერნატორმა, გევინ ნიუსომმა განაცხადა.
გუბერნატორის განცხადებით, კალიფორნიის შტატში ხანძრის 367-დან 560-მდე კერა ფიქსირდება. ამ დროისათვის ხანძარი 312 ჰექტარის ფართობზე ვრცელდება.
ხანძარსაწინააღმდეგო ღონისძიებებში 12 ათასი მეხანძრე-მაშველი, 88 ვერტმფრენი და სხვა დამატებითი ტექნიკა მონაწილეობს.
კალიფორნიაში ხანძრის შედეგად დაღუპულთა რიცხვი 6-მდე გაიზარდა.