აშშ-ში პანდემიის დროს იარაღის გაყიდვების რიცხვი მკვეთრად გაიზარდა. FBI-ს მონაცემებით, ამერიკელებმა მიმდინარე წლის მარტიდან-სექტემბრამდე პანდემიის დროს 15.1 მილიონი იარაღი შეიძინეს.
”ქვეყანაში 2020 წელს წინა წელთან შედარებით იარაღის გაყიდვების რაოდენობა რეკორდული ტემპით, 91%-ით გაიზარდა", - ნათქვამია FBI-ს გამოქვეყნებულ მონაცემებში.
ოფიციალური ინფორმაციით, შავკანიანი ამერიკელები, ქალები და ისინი, ვისაც ცეცხლსასროლი იარაღი აქამდე არ ჰქონიათ, იარაღის მაღაზიებს ხშირად სტუმრობენ. მიჩიგანისა და ნიუ-ჯერსის მოსახლეობა განსაკუთრებით სწრაფი ტემპით შეიარაღდა.