აშშ-ში, ტეხასის შტატში, ქალაქ ლეიკ ჯექსონში ონკანის წყალში ამება აღმოაჩინეს, რომელიც ადამიანის ნერვულ სისტემას აზიანებს. ხელისუფლებამ მოსახელობას მოუწოდა, ონკანის წყალი არ დალიონ, ვინაიდან პარაზიტი ორგანიზმზე ხშირ შემთხვევაში ფატალურ ზეგავლენას ახდენს.
პარაზიტული ორგანიზმი - Negleria Fowler მენინგოენცეფალიტს იწვევს. ონკანის წყლის მიღების შედეგად, ექვსი წლის ბიჭი საავადმყოფოში მოათავსეს.
2009 წლიდან 2018 წლამდე პერიოდში შეერთებულ შტატებში ამებური მენინგოენცეფალიტით ინფიცირების 34 შემთხვევა დაფიქსირდა. უმეტეს შემთხვევაში, ადამიანები ონკანის წყლის მიღების შედეგად დაინფიცირდნენ.