პოლიციელი, რომელიც ფლორიდის საარჩევნო უბანზე ტრამპის მხარდამჭერი პირბადით იდგა, დაისჯება. ამ განცხადებას მაიამის პოლიცია აკეთებს. მაიამის მერის, ფრენსის სუარესის განცხადებით, " პოლიციელი მიუკერძოებელი უნდა იყოს და მსგავსი ქმედება მიუღებელია".
პოლიციის ოფიცერი დანიელ უბედა, რომელიც ტრამპის მხარდამჭერი პირბადითა წარმოდგენილი, საარჩევნო უბანზე ერთ-ერთმა დემოკრატმა აქტივისტმა დააფიქსირა. მან განაცხადა, რომ კანონდარღვევას ჰქონდა ადგილი და პოლიციას ფაქტზე დაუყოვნებლივ რეაგირება მოსთხოვა.