აშშ-ში, ალაბამას შტატში, სამხედრო თვითმფრინავის ჩამოვარდნის შედეგად ორი ადამიანი დაიღუპა. ამის შესახებ ინფორმაციას The New York Times ადგილობრივი საგანგებო სიტუაციების სააგენტოზე დაყრდნობით ავრცელებს.
გამოცემის ცნობით, T-38-ის ტიპის მცირე ზომის სამხედრო თვითმფრინავი მონტგომერის აეროპორტის მახლობლად ჩამოვარდა, სადაც სამხედრო ბაზა მდებარეობს.
გავრცელებული ინფორმაციით, ავიაკატასტროფის არეალში საცხოვრებელი კორპუსები მდებარეობს, მაგრამ თვითმფრინავი მათ არ შეჯახებია. ავარიის ადგილზე აშშ-ის საჰაერო ძალების ეროვნული გვარდიის წარმომადგენლები, პოლიცია, მეხანძრეები და სამაშველო სამსახურის წარმომადგენლები არიან მობილიზებულები.