აშშ-სა და თურქეთს შორის უახლესი ამერიკული ავიაგამანადგურებლის F-35-ის მიწოდებაზე მოლაპარაკებები უნდა განახლდეს. ამასთან დაკავშირებით ანკარამ ვაშინგტონიდან წერილი მიიღო. მანამდე შეერთებულმა შტატებმა თურქეთი, რუსული S-400 საჰაერო თავდაცვის სისტემების შეძენის გამო, F-35 საჰაერო ხომალდების წარმოების პროგრამიდან გარიცხა.
"ჩვენ ვამბობდით, რომ არცერთი ქვეყანა არ შეიძლება ცალმხრივად გაირიცხოს F-35 პროგრამიდან. შეერთებული შტატების ბოლო წერილმა დაადასტურა, რომ ჩვენ მართლები ვიყავით. F-35– ის პრობლემის გადასაჭრელად აშშ-სთან დიალოგი დაიწყება", განაცხადა თავდაცვის მრეწველობის სამმართველოს ხელმძღვანელმა ისმაილ დემირმა.