ავღანეთში, ნანგარჰარის პროვინციაში, მეჩეთში აფეთქება მოხდა. ამის შესახებ ადგილობრივი მედია იუწყება. ჯერჯერობით უცნობია, რამდენი ადამიანი იყო მეჩეთში. ასევე ვრცელდება ინფორმაცია, რომ აფეთქების მიზეზი ჩამოვარდნილი რაკეტა გახდა.
აფეთქების შედეგად 31 ადამიანი დაიღუპა, 50 დაშავდა.
შემთხვევის დროს მეჩეთის სახურავი ჩამოინგრა. ამჟამად ნანგრევებიდან დაშავებულთა გამოყვანას ცდილობენ.
აფეთქებაზე პასუხისმგებლობა ჯერჯერობით არც ერთ ტერორისტულ დაჯგუფებას აუღია.