ავღანეთი თალიბანმა ავღანეთის ისლამურ საამიროდ გამოაცხადა. ამის შესახებ დეკლარაცია დაჯგუფების პრეს-სპიკერმა ზაბიჰულაჰ მუჯაჰიდმა ტვიტერზე გამოაქვეყნა.
"აშშ-ზე გამარჯვების დეკლარირებით დამოუკიდებლობის დღე აღინიშნა. ის ბრიტანეთის მმართველობისგან გათავისუფლების 102 წლისთავს უკავშირდება", - ნათქვამია თალიბანის წარმომადგენლის ტვიტში.
ავღანეთის ისლამურ საამიროს, როგორც ქვეყნის სახელს თალიბანი 1996-2001 წლებშიც იყენებდა, როდესაც ქვეყანას თავად მართავდა.