ავღანეთის ხელისუფლებამ თალიბების წინააღმდეგ მთელი ქვეყნის მასშტაბით სპეცოპერაცია ჩაატარა. ლაღმანის, ლოგარის, ღაზნის, ვარდაკის, ჰერათის, ფარიაბის, ბალხის, ბაღლანის, ტაჰარის, ყუნდუზის, ჰელმანდისა და ყანდაარის პროვინციებში რეიდის შედეგად 135 თალიბი დაიღუპა და 92 დაიჭრა. უსაფრთხოების სამსახურის წარმომადგენლებმა ასევე, შეიარაღებული დაჯგუფების მიერ გზის პირებზე დამონტაჟებული 72 ნაღმი გააუვნებელყვეს.